Di Ko Alam

Subject: Di Ko Alam Tue Nov 25, 2008 10:56 pm

Noong unang makita ka, agad akong nabighani;
Sa lagkit ng iyong sulyap at tamis ng iyong ngiti.
Di ko sukat akalain sa isip ko’y di mawari;
Kung bakit ay di ko alam ika’y biglang itinangi.
Sa simula’y di ko pansin di ko rin alintana;
Akala ko’y isa lang itong karaniwang paghanga.
Ngunit aking natuklasan baka di ka maniwala;
Iniibig pala kita ang sigaw ng puso ko’t diwa.
Kapag ika’y kapiling ko, nadarama ay ligaya;
Ang puso ko ay kay lungkot kapag di ka nakikita.
Sa haplos ng iyong palad nawawala ang pangamba;
Kaya nga ba araw gabi ikaw ay nasa alaala.
Hindi ko naman hinihingi ang iyong pagmamahal;
Masaya na ang puso ko kahit na konting pagtingin lang.
Dahil aking natatanto paglipas ng mga araw;
Ang konti ay darami rin kung sa tuwina’y daragdagan.
Ang aking nadarama’y isang baliw na pagmamahal;
Kaya nga ba pinilit kong supilin ang kahibangan.
Ngunit lalong tumitingkad pag-ibig na sadyang tunay;
Kung papaano pipigilin di ko alam, di ko alam.